വിവാഹം തീർച്ചയായി സംഭവിക്കുന്ന കാലം (വിവാഹകാലം)

വിവാഹം തീർച്ചയായി സംഭവിക്കുന്ന കാലം (വിവാഹകാലം)

യോƒസ്തേ തിഷ്ഠതി യശ്ച പശ്യതി തയോരസ്തേശിതുർവാഥ തേ-

നാരൂഢാ൦ശഭനാഥയോരുശനസസ്താരാധിനാഥസ്യ വാ

യദ്വാ ലഗ്നപസംശ്രിതാംശകപതേര്യസ്മിൻ ദശാ വാപഹാ-

രോƒസ്മിൻ സ്യാത്സമയേ വിവാഹഘടനാ രാഹോശ്ച കേചിജ്ജഗുഃ

സാരം :-

1). ഏഴാം ഭാവത്തിൽ നിൽക്കുന്ന ഗ്രഹം 2). ഏഴാം ഭാവത്തിലേയ്ക്ക് നോക്കുന്ന ഗ്രഹം 3). ഏഴാംഭാവാധിപൻ 4). ഏഴാ ഭാവാധിപൻ നിൽക്കുന്ന രാശിയുടെ അധിപൻ 5). നവാംശകത്തിന്റെ അധിപൻ 6). ശുക്രൻ 7). ചന്ദ്രൻ 8) ലഗ്നാധിപൻ നിൽക്കുന്ന നവാംശകത്തിന്റെ അധിപൻ 9). രാഹു ഇവരുടെ ദാശാകാലവും അപഹാരകാലവും വിവാഹം നടക്കാവുന്ന കാലമാണ്.

----------------------------------------------------

ഏഴാം ഭാവത്തിൽ നിൽക്കുന്ന ഗ്രഹത്തിന്റെയും ഏഴാംഭാവത്തിൽ നോക്കുന്ന ഗ്രഹത്തിന്റെയും ഏഴാംഭാവാധിപന്റെയും ഏഴാം ഭാവാധിപതിയുടെ രാശിനാഥന്റേയും നവാംശകനാഥന്റേയും ശുക്രന്റെയും ചന്ദ്രന്റെയും ലഗ്നാധിപതി നിൽക്കുന്ന നവാംശകാധിപന്റെയും ദശാകാലവും അപഹാരകാലവും വിവാഹത്തിനു സംഗതി വരുമെന്ന് അറിയണം.

മേൽപറഞ്ഞവയിൽ അധികം ലക്ഷണങ്ങൾ യോജിച്ചുവരുന്നവരുടെ ദശാപഹാരങ്ങളിൽ വിവാഹം തീർച്ചയായും സംഭവിക്കും.

രാഹുവിന്റെ ദശാപഹാരകാലങ്ങളിലും വിവാഹത്തിനിടവരുമെന്നാണ് ചില ആചാര്യന്മാരുടെ അഭിപ്രായം.

---------------------------------------------------------------------------------------------------

ജാമിത്രേ * തദധീശ്വരാംശഗൃഹയോര്യദ്വാനയോസ്സപ്തമേ

ധർമ്മേ വാഥ സുതേ ചരന്തി ഭൃഗുഭൂലഗ്നാസ്തജന്മേശ്വരാഃ

കാലേ യത്ര ചരേദ്യദാ ച ധിഷണോ ദ്യൂനേശഭാംശർക്ഷയോ-

ര്യദ്വാ തൽസുതധർമ്മയോഃ സ സമയഃ പ്രോദ്വാഹദായീ നൃണാം. - ഇതി.

സാരം :-

ഏഴാംഭാവത്തിലോ ഏഴാംഭാവാധിപതി നിൽക്കുന്ന രാശിയിലോ അതിന്റെ 5, 7, 9 എന്നീ രാശികളിലോ ഏഴാം ഭാവാധിപതിയുടെ നവാംശകരാശിയിലും അതിന്റെ അഞ്ചാം രാശിയിലും ഏഴാം രാശിയിലും ചാരവശാൽ ശുക്രനോ ലഗ്നാധിപതിയോ ചന്ദ്രലഗ്നാധിപതിയോ ഏഴാം ഭാവാധിപതിയോ സഞ്ചരിക്കുന്ന കാലത്ത് വിവാഹം സംഭവിക്കുമെന്നു പറയണം. കൂടാതെ ഏഴാംഭാവാധിപതി നിൽക്കുന്ന രാശി അംശകിച്ച രാശി ഈ രണ്ടു രാശികളുടേയും അഞ്ചും ഒമ്പതും രാശികകളിൽ ചാരവശാൽ വ്യാഴം സഞ്ചരിക്കുന്ന കാലവും വിവാഹം സംഭവിക്കും.

------------------------------------------------------------------

* തദധീശ്വരാശ്രിതഗൃഹേ യദ്വാന

സ്ത്രീപുരുഷന്മാർ തമ്മിൽ ചേർച്ചയുണ്ടോ എന്നും മറ്റും ചിന്തിച്ചറിഞ്ഞതിനുശേഷം വിവാഹം നടത്താവൂ

സ്ത്രീപുരുഷന്മാർ തമ്മിൽ ചേർച്ചയുണ്ടോ എന്നും മറ്റും ചിന്തിച്ചറിഞ്ഞതിനുശേഷം വിവാഹം നടത്താവൂ

ദമ്പത്യോർജ്ജന്മതാരാദ്യൈരാനുകൂല്യം പരസ്പരം

വിചിന്ത്യോപയമഃ കാര്യസ്തൽപ്രകാരോ നിഗദ്യതേ.

സാരം :-

സ്ത്രീയുടേയും പുരുഷന്റേയും ജന്മനക്ഷത്രം മുതലായവ നോക്കി തമ്മിൽ ചേർച്ചയുണ്ടോ എന്നും മറ്റും ചിന്തിച്ചറിഞ്ഞതിനുശേഷം വിവാഹം നടത്താവൂ. അല്ലാതെ വിവാഹം ചെയ്യുന്നതായാൽ യോജിപ്പ് പുത്രൈശ്വര്യം ദീർഘായുസ്സ് മുതലായ ഗുണങ്ങൾ ഉണ്ടാകുന്നതല്ല. 

വിവാഹത്തിനുശേഷം ഭാഗ്യൈശ്വര്യങ്ങൾക്കു നാശം സംഭവിക്കുമെന്നു പറയണം

വിവാഹത്തിനുശേഷം ഭാഗ്യൈശ്വര്യങ്ങൾക്കു നാശം സംഭവിക്കുമെന്നു പറയണം

തൽകാരകേ ദാരപതൗ കുടുംബനാഥേ

വിലഗ്നാധിപതൗ ച ദുഃസ്ഥേ

മൂഢാരിനീചാംശഗതേ സപാപേ ഭാഗ്യം

വിവാഹാൽ പരമേതി നാശം. - ഇതി.

സാരം :-

1). ശുക്രൻ 2). ലഗ്നാധിപൻ 3). രണ്ടാംഭാവാധിപൻ 4). ഏഴാം ഭാവാധിപൻ എന്നീ ഗ്രഹങ്ങൾ നാലുപേരും അനിഷ്ടഭാവങ്ങളിൽ നിൽക്കണം. ഈ ഗ്രഹങ്ങൾക്ക്‌ മൌഢ്യ൦ നീചസ്ഥിതി, നീചനവാംശകം, ശത്രുക്ഷേത്രസ്ഥിതി, ശത്രുനവാംശം എന്നിവ വരികയും ചെയ്‌താൽ വിവാഹത്തിനുശേഷം ഭാഗ്യൈശ്വര്യങ്ങൾക്കു നാശം സംഭവിക്കുമെന്നു പറയണം.

വിവാഹത്തിനുശേഷം ഐശ്വര്യം അനുഭവിക്കാനിടവരുമെന്നു പറയണം

വിവാഹത്തിനുശേഷം ഐശ്വര്യം അനുഭവിക്കാനിടവരുമെന്നു പറയണം

ശുക്രേƒസ്തപേ ചോപചയാന്വിതേ വാ

കുടുംബപേ താദൃശഭാവയുക്തേ

ലഗ്നേശ്വരേ വാ ശുഭദൃഷ്ടിയുക്തേ

ഭാഗ്യം വിവാഹാൽ പരതോ വദന്തി.

സാരം :-

ശുക്രൻ, രണ്ടാം ഭാവാധിപൻ, ഏഴാം ഭാവാധിപൻ എന്നീ ഗ്രഹങ്ങൾ മൂന്ന്, ആറ്, പത്ത്, പതിനൊന്ന് എന്നീ ഭാവങ്ങളിൽ നിൽക്കുകയും ലഗ്നാധിപൻ ശുഭഗ്രഹദൃഷ്ടിയോടുകൂടി നിൽക്കുകയും ചെയ്‌താൽ വിവാഹത്തിനുശേഷം ഐശ്വര്യം അനുഭവിക്കാനിടവരുമെന്നു പറയണം.

യൗവ്വനാരംഭത്തിനു മുൻപുതന്നെ വിവാഹം നടക്കുമെന്നു പറയണം

യൗവ്വനാരംഭത്തിനു മുൻപുതന്നെ വിവാഹം നടക്കുമെന്നു പറയണം

പരാവതാംശാദിഗതേ കളത്രനാഥേ

കുടുംബാധിപതൗ ബലാഢ്യേ

മൃദ്വംശഭാഗേ തനുഭാവനാഥേ

ബാല്യേ വിവാഹം മുനയോ വദന്തി.

സാരം :-

ദ്രേക്കാണാദി സപ്തവർഗ്ഗങ്ങളിൽ ആറുവർഗ്ഗവും ഒരു ഗ്രഹത്തിന്റെതായാൽ പാരാവതാംശമെന്നു പറയപ്പെടുന്നു. ഏഴു വർഗ്ഗങ്ങളും ഒരു ഗ്രഹത്തിന്റെതായാൽ ദേവലോകാംശമെന്നും അഞ്ചുവർഗ്ഗം ഒരു ഗ്രഹത്തിന്റെതായാൽ സിംഹാസനവർഗ്ഗമെന്നും പറയപ്പെടുന്നു. ഇങ്ങനെയുള്ള വിശേഷവർഗ്ഗങ്ങൾ ഏഴാംഭാവാധിപതിക്കു വരികയും രണ്ടാംഭാവാധിപതി ബലവാനായിരിക്കുകയും ലഗ്നാധിപതി മൃദ്വംശത്തിൽ നിൽക്കുകയും ചെയ്‌താൽ യൗവ്വനാരംഭത്തിനു മുൻപുതന്നെ വിവാഹം നടക്കുമെന്നു പറയണം. മൃദ്വംശമെന്നു പറയുന്നത് ഷഷ്ട്യംശങ്ങളിൽ 46 മത്തെ അംശമാണ്.

ബാല്യത്തിൽ വിവാഹവും ഭർത്തൃസാഹചര്യവും സംഭവിക്കുന്നു

ബാല്യത്തിൽ വിവാഹവും ഭർത്തൃസാഹചര്യവും സംഭവിക്കുന്നു

ലഗ്നേ കുടുംബേ യദി ദാരഭാവേ

ശുഭാന്വിതേ ശോഭനവർഗ്ഗയുക്തേ

തദീശ്വരേ ശോഭനദൃഷ്ടിയുക്തേ

ബാല്യേ വിവാഹാദികമാഹുരാര്യാഃ

സാരം :-

ലഗ്നം  രണ്ടാംഭാവം ഏഴാം ഭാവം എന്നീ മൂന്നു ഭാവങ്ങളിലും ശുഭഗ്രഹങ്ങൾ നിൽക്കുകയും ശുഭഗ്രഹങ്ങളുടെ ദ്രേക്കാണം ഹോര നവാംശം മുതലായ ഷഡ്വർഗ്ഗയോഗം വരികയും ചെയ്താലും ലഗ്നം രണ്ടാം ഭാവം ഏഴാം ഭാവം എന്നീ മൂന്നു ഭാവങ്ങളുടേയും അധിപതികൾ ശുഭഗ്രഹദൃഷ്ടിയോടുകൂടി നിന്നാലും ബാല്യത്തിൽ വിവാഹവും ഭർത്തൃസാഹചര്യവും സംഭവിക്കുന്നു.

ബാല്യത്തിൽതന്നെ വിവാഹം നടക്കുമെന്നു പറയണം

ബാല്യത്തിൽതന്നെ വിവാഹം നടക്കുമെന്നു പറയണം

ദാരേശ്വരേ സന്നിഹിതേ വിലഗ്നനാഥസ്യ

ബാല്യേ പരിണീതിമാഹുഃ

ലഗ്നാൽ കളത്രാൽ ശുഭഖേചരേന്ദ്രഃ

സമീപരാശൗ യദി തത്തഥൈവ.

സാരം :-

ഏഴാംഭാവാധിപൻ ലഗ്നാധിപനോട്‌ അടുത്തുനിന്നാലും ബലവാനായ ഒരു ശുഭഗ്രഹം ലഗ്നത്തിന്റേയോ ഏഴാംഭാവത്തിന്റേയോ അടുത്തു നിന്നാലും ബാല്യത്തിൽതന്നെ വിവാഹം നടക്കുമെന്നു പറയണം.

ബാല്യകാലത്തുതന്നെ വിവാഹം കഴിയുമെന്നു പറയണം / വിവാഹത്തിനുശേഷം സമൃദ്ധിയുണ്ടാകുമെന്നറിയണം / വിവാഹം യൌവനം കഴിഞ്ഞിട്ടേ നടക്കുകയുള്ളൂ

ബാല്യകാലത്തുതന്നെ വിവാഹം കഴിയുമെന്നു പറയണം / വിവാഹത്തിനുശേഷം സമൃദ്ധിയുണ്ടാകുമെന്നറിയണം / വിവാഹം യൌവനം കഴിഞ്ഞിട്ടേ നടക്കുകയുള്ളൂ

സൗമ്യഃ സൻ മദപോ ബലീ തനുപയുക് ശുക്രോഥവാ വീര്യവാ-

നേതൗ വാ യദി കേന്ദ്രഗൗ ഖലു നൃണാം ബാല്യേ വിവാഹപ്രദൗ

ഏതൗ ചോപചയർക്ഷഗൗ യദി വിവാഹോർധ്വം സമൃദ്ധിപ്രദൗ

ദൂരേƒസ്താന്മദപോംഗപാന്നു യദി ചേദ്ദുരേപി പാണിഗ്രഹഃ

സാരം :-

ഏഴാം ഭാവാധിപൻ ശുഭഗ്രഹമായി ബലവാനായി ലഗ്നാധിപനോടുകൂടി നിൽക്കുകയോ ശുക്രൻ ബലവാനായി ലഗ്നാധിപനോടുകൂടി നിൽക്കുകയോ ഏഴാംഭാവാധിപനും ശുക്രനും കേന്ദ്രഭാവങ്ങളിൽ നിൽക്കുകയോ ചെയ്‌താൽ ബാല്യകാലത്തുതന്നെ വിവാഹം കഴിയുമെന്നു പറയണം.

ഏഴാം ഭാവാധിപതിയോ ശുക്രനോ 3, 6, 10, 11 എന്നീ ഭാവങ്ങളിൽ നിൽക്കുന്നുവെങ്കിൽ വിവാഹത്തിനുശേഷം സമൃദ്ധിയുണ്ടാകുമെന്നറിയണം.

ഏഴാംഭാവത്തിൽനിന്നും ലഗ്നാധിപതിയിൽ നിന്നും മൂന്നുരാശിക്കു ദൂരെയായി ഏഴാംഭാവാധിപതി നിന്നാൽ വിവാഹം മിക്കവാറും യൌവനം കഴിഞ്ഞിട്ടേ നടക്കുകയുള്ളൂ.

ഭാര്യാഭർത്തൃ ഗുണദോഷഫലങ്ങൾ പറയണം

ഭാര്യാഭർത്തൃ ഗുണദോഷഫലങ്ങൾ പറയണം

രന്ധ്രേണ ഭർത്തൃഭാവേന കാരകേണാസ്യ ചാർക്കിണാ

ചിന്ത്യോ യഥാസ്തശുക്രാഭ്യാം ഭർത്തേതി ബ്രുവതേƒപരേ - ഇതി.

സാരം :-

പുരുഷജാതകത്തിൽ ഭാര്യാഭാവമായിരിക്കുന്ന ഏഴാം ഭാവംകൊണ്ടും ഭാര്യാകാരകനായിരിക്കുന്ന ശുക്രനെക്കൊണ്ടും ഭാര്യയെ നിരൂപിക്കുന്നതുപോലെതന്നെ സ്ത്രീജാതകത്തിങ്കൽ ഭർത്തൃഭാവമായിരിക്കുന്ന എട്ടാം ഭാവംകൊണ്ടും ഭർത്തൃകാരകനായിരിക്കുന്ന ശനിയെക്കൊണ്ടും ഭർത്താവിനെ നിരൂപിക്കേണ്ടതാണെന്നും ചിലർ ചിലർ അഭിപ്രായപ്പെടുന്നുണ്ട്. 

പുരുഷന്മാർക്കു ഭാര്യയുടെ രൂപം, അനുഭവം, നാശം മുതലായവ എപ്രകാരം ചിന്തിയ്ക്കുന്നുവോ, അതുപോലെ തന്നെ സ്ത്രീജാതകംകൊണ്ടു ഭർത്താവിന്റെ രൂപം, ഗുണം, അനുഭവം, നാശം മുതലായവയും ചിന്തിച്ചുകൊള്ളണം

പുരുഷന്മാർക്കു ഭാര്യയുടെ രൂപം, അനുഭവം, നാശം മുതലായവ എപ്രകാരം ചിന്തിയ്ക്കുന്നുവോ, അതുപോലെ തന്നെ സ്ത്രീജാതകംകൊണ്ടു ഭർത്താവിന്റെ രൂപം, ഗുണം, അനുഭവം, നാശം മുതലായവയും ചിന്തിച്ചുകൊള്ളണം

ദ്യൂനതന്നാഥശുക്രാദ്യൈര്യഥാ ദാരനിരൂപണം

പുംസാന്തഥൈവ നാരീണാം കർത്തവ്യം ഭർത്തൃചിന്തനം.

സാരം :-

പുരുഷജാതകത്തിലെ ഏഴാംഭാവം, ഏഴാംഭാവാധിപതി, ശുക്രൻ, മുതലായവരെക്കൊണ്ടു പുരുഷന്മാർക്കു ഭാര്യയുടെ രൂപം, അനുഭവം, നാശം മുതലായവ എപ്രകാരം ചിന്തിയ്ക്കുന്നുവോ, അതുപോലെ തന്നെ സ്ത്രീജാതകംകൊണ്ടു ഭർത്താവിന്റെ രൂപം, ഗുണം, അനുഭവം, നാശം മുതലായവയും ചിന്തിച്ചുകൊള്ളണം.

ഭാര്യയുടെ ജന്മചന്ദ്രനേയും മറ്റും നിരൂപിക്കാൻ പറഞ്ഞതുപോലെ സ്ത്രീജാതകത്തിൽ നിരൂപിച്ച ഭർത്താവിന്റെ ജന്മചന്ദ്രനേയും മറ്റും പറഞ്ഞുകൊള്ളേണമെന്നർത്ഥം.

ഭർത്തൃമരണം അനുഭവിക്കും / ഭാര്യ മരിയ്ക്കുന്നതിനുമുമ്പ് ഭർത്താവു മരിയ്ക്കുകയില്ല / സ്ത്രീയുടെ വിവാഹം നടക്കുന്നതല്ല, കന്യകയായിട്ടുതന്നെ വാർദ്ധക്യംവരെ ജീവിക്കേണ്ടിവരും / ഭർത്തൃമരണം സംഭവിക്കുന്നതല്ല

ഭർത്തൃമരണം അനുഭവിക്കും / ഭാര്യ മരിയ്ക്കുന്നതിനുമുമ്പ് ഭർത്താവു മരിയ്ക്കുകയില്ല / സ്ത്രീയുടെ വിവാഹം നടക്കുന്നതല്ല, കന്യകയായിട്ടുതന്നെ വാർദ്ധക്യംവരെ ജീവിക്കേണ്ടിവരും / ഭർത്തൃമരണം സംഭവിക്കുന്നതല്ല

പത്യുർമൃത്യുകരോƒശുഭോƒഷ്ടമഗതഃ സൗമ്യഗ്രഹശ്ചേത്തദാ

വാച്യസ്യാഃ സ്വയമേവ സോന്തകൃദസദ്ദൃഷ്ടേസ്തസംസ്ഥേ ശനൗ

ഉദ്വാഹോ ന ഭവേന്മദേപി മരണേ പാപാന്വിതേ സൽഗ്രഹോ

ഭാഗ്യേ ചേൽ കമിതുർമൃതിർനഹി ഭവേദിത്യത്ര കാശ്ചിൽ ഭിദാഃ

സാരം :-

സ്ത്രീജാതകത്തിൽ എട്ടാം ഭാവത്തിൽ പാപഗ്രഹം നിന്നാൽ ഭർത്തൃമരണം അനുഭവിക്കും.

 എട്ടാം ഭാവത്തിൽ പാപഗ്രഹം നിൽക്കുമ്പോൾതന്നെയും രണ്ടാം ഭാവത്തിൽ ഒരു ശുഭഗ്രഹം നിന്നാൽ താൻ (ഭാര്യ) മരിയ്ക്കുന്നതിനുമുമ്പ് ഭർത്താവു മരിയ്ക്കുകയില്ല.

പാപഗ്രഹത്തിന്റെ ദൃഷ്ടിയോടുകൂടിയ ശനി ഏഴാംഭാവത്തിൽ നിന്നാൽ ആ സ്ത്രീയുടെ വിവാഹം നടക്കുന്നതല്ല, കന്യകയായിട്ടുതന്നെ വാർദ്ധക്യംവരെ ജീവിക്കേണ്ടിവരും.

ഏഴാംഭാവത്തിലും എട്ടാം ഭാവത്തിലും പാപഗ്രഹം നിൽക്കുന്നത് വൈധവ്യലക്ഷണമാണ്. 

ഏഴാം ഭാവത്തിലും എട്ടാം ഭാവത്തിലും പാപഗ്രഹം നിൽക്കുന്നുണ്ടെങ്കിലും ഒമ്പതാംഭാവത്തിൽ ശുഭഗ്രഹം നിൽക്കുന്നുണ്ടെങ്കിൽ ഭർത്തൃമരണം സംഭവിക്കുന്നതല്ല.

*********************

സ്ത്രീജാതകം സ്വഹോരായാം ദ്വാംവിംശേദ്ധ്യായ ഈരിതം

വരാഹമിഹിരേണൈത ദൃഷ്‌ട്വാ തൽഫലമീരയേൽ.

സാരം :-

വരാഹമിഹിരനെന്ന ആചാര്യൻ തന്റെ ഹോരാശാസ്ത്രഗ്രന്ഥത്തിങ്കൽ ഇരുപത്തിരണ്ടാമത്തെ അദ്ധ്യായത്തിൽ സ്ത്രീജാതകത്തെ പറഞ്ഞിട്ടുണ്ട്. അതിനേക്കൂടി ആലോചിച്ചിട്ടു സ്ത്രീജാതകത്തിലെ ഫലത്തെ പറഞ്ഞുകൊള്ളണം.

കന്യകയെ വിവാഹം ചെയ്യുന്നത് അഭിവൃദ്ധികരമാണെന്നു പറയണം

കന്യകയെ വിവാഹം ചെയ്യുന്നത് അഭിവൃദ്ധികരമാണെന്നു പറയണം

ദ്വിത്രാണി ലക്ഷണാനി സ്യുര്യസ്മിൻ രാശൗ ച യദ്ദിശി

തത്ര ഭേ ദിശി വാ ജാതാ കന്യാ ഗ്രാഹ്യാ സമൃദ്ധയേ

സാരം :-

മേൽപറഞ്ഞ പ്രകാരമുള്ള ലക്ഷണങ്ങൾ ഒന്നിലധികം ഏതു നക്ഷത്രത്തിനും ഏതു ദിക്കിനും യോജിച്ചു വരുന്നുവോ ആ ദിക്കിലുള്ളവളും ആ നക്ഷത്രത്തിൽ ജനിച്ചവളുമായ കന്യകയെ വിവാഹം ചെയ്യുന്നത് അഭിവൃദ്ധികരമാണെന്നു പറയണം.

ദൂരെനിന്നു / സമീപപ്രദേശത്തുനിന്നു / മദ്ധ്യപ്രദേശത്തിൽ നിന്നു വിവാഹം ചെയ്യാനിടവരും

ദൂരെനിന്നു / സമീപപ്രദേശത്തുനിന്നു / മദ്ധ്യപ്രദേശത്തിൽ നിന്നു വിവാഹം ചെയ്യാനിടവരും

അസ്തേശ്വാരാധിഷ്ഠിതഭാംശകാഭ്യാം

ശുക്രാംശഭാഭ്യാമഥവാ വിചിന്ത്യം

മാർഗ്ഗപ്രമാണം ചരഭോഭയാഗൈഃ

സുദൂരമദ്ധ്യാന്തികതാ ക്രമേണ.

സാരം :-

1). ഏഴാം ഭാവാധിപൻ നിൽക്കുന്ന രാശി, 2). ഏഴാം ഭാവാധിപൻ അംശകിച്ച നവാംശക രാശി 3). ശുക്രൻ നിൽക്കുന്ന രാശി, 4). ശുക്രൻ അംശകിച്ച നവാംശകരാശി എന്നിവ ചരരാശികളായാൽ വളരെ ദൂരെനിന്നു വിവാഹം ചെയ്യാനിടവരും. സ്ഥിരരാശികളായാൽ സമീപപ്രദേശത്തുനിന്നു വിവാഹം ചെയ്യാനിടവരും. ഉഭയരാശികളായാൽ മദ്ധ്യപ്രദേശത്തിൽ നിന്നു വിവാഹത്തിനിടവരും. 

എഴാം ഭാവാധിപതി, ശുക്രൻ എന്നീ ഗ്രഹങ്ങളിൽ ബലം കൂടുതൽ ഉള്ള ഗ്രഹത്തെക്കൊണ്ടും രാശിനവാംശങ്ങളിൽവെച്ച് ബലമുള്ള രാശിയെക്കൊണ്ടും അന്യോന്യഭേദം വരുന്ന ഘട്ടങ്ങളിൽ ചിന്തിച്ചുകൊള്ളേണ്ടതാണ്.

ഭാര്യയുടെ ഗൃഹം നിൽക്കുന്ന ദിക്ക്

ഭാര്യയുടെ ഗൃഹം നിൽക്കുന്ന ദിക്ക്

ദാരേശസ്യ തദാശ്രിതാംശഗൃഹയോഃ ശുക്രാശ്രിതാംശർക്ഷയോഃ

ശുക്രാത് സപ്തമഭസ്യ ലഗ്നശശിനോരസ്തേക്ഷകാരൂഢയോഃ

ബഹ്വക്ഷാശ്ച സസൗമ്യലഗ്നമദപാഃ ശുക്രാഷ്ടവർഗ്ഗേ ഗൃഹാ

യേ ചൈഷാം ച ദിഗുൽഭവാ ഹി ശുഭദാ കന്യാവിവാഹേ നൃണാം.

സാരം :-

1). ഏഴാം ഭാവാധിപന്റെ ദിക്ക് 2). ഏഴാം ഭാവാധിപൻ നിൽക്കുന്ന രാശിയുടെ ദിക്ക് 3). ഏഴാം ഭാവാധിപൻ അംശകിച്ച നവാംശക രാശി ദിക്ക് 4). ശുക്രൻ നിൽക്കുന്ന രാശി ദിക്ക് 5). ശുക്രൻ അംശകിച്ച നവാംശക രാശി ദിക്ക് 6). ശുക്രന്റെ ഏഴാം രാശി ദിക്ക് 7). ലഗ്നത്തിന്റെ ഏഴാം ഭാവത്തിൽ നിൽക്കുന്ന ഗ്രഹത്തിന്റെ രാശി ദിക്ക് 8). ലഗ്നത്തിന്റെ ഏഴാം ഭാവത്തിലേയ്ക്ക് നോക്കുന്ന ഗ്രഹത്തിന്റെ രാശി ദിക്ക് 9). ചന്ദ്രന്റെ ഏഴാം ഭാവത്തിൽ നിൽക്കുന്ന ഗ്രഹത്തിന്റെ രാശി ദിക്ക് 10). ചന്ദ്രന്റെ ഏഴാം ഭാവത്തിലേയ്ക്ക് നോക്കുന്ന ഗ്രഹത്തിന്റെ രാശി ദിക്ക് 11). ശുക്രന്റെ അഷ്ടവർഗ്ഗത്തിൽ അധികം അക്ഷങ്ങളുള്ള രാശികളിൽ ശുഭഗ്രഹം നിൽക്കുന്ന രാശി ദിക്ക് 12). ശുക്രന്റെ അഷ്ടവർഗ്ഗത്തിൽ അധികം അക്ഷങ്ങളുള്ള രാശികളിൽ ലഗ്നാധിപൻ നില്ക്കുന്ന രാശി ദിക്ക് 13). ശുക്രന്റെ അഷ്ടവർഗ്ഗത്തിൽ അധികം അക്ഷങ്ങളുള്ള രാശികളിൽ ഏഴാം ഭാവാധിപൻ നിൽക്കുന്ന രാശി ദിക്ക്. - മേൽപറഞ്ഞ ഗ്രഹങ്ങളുടേയും രാശികളുടേയും ദിക്കുകളിലുള്ള കന്യകയെ വിവാഹം ചെയ്യുന്നത് ശുഭമാകുന്നു. മേൽപറയപ്പെട്ട ഗ്രഹങ്ങളിൽ ആർക്കാണോ ഭാര്യാനുഭവകർതൃത്വം കൂടുതലായുള്ളത്, അതുകൊണ്ടു ദിക്ക് നിർണ്ണയിക്കുന്നത് ഏറ്റവും ശോഭനമാകുന്നു

ദിക്കിൽ നിന്നുള്ള വിവാഹം ശോഭനമാണ്

ദിക്കിൽ നിന്നുള്ള വിവാഹം ശോഭനമാണ്

ശുക്രാഷ്ടവർഗ്ഗേ സംശുദ്ധേ ഭൂചക്രേ യേഷു രാശിഷു

അക്ഷാണി തദ്ദിഗുൽഭൂതാപ്യക്ഷാധിക്യവശാച്ശുഭാ.

സാരം :-

ശുക്രന്റെ അഷ്ടവർഗ്ഗത്തിൽ ശോധനചെയ്തതിനുശേഷം ഏതെല്ലാം രാശികളിൽ ശുക്രന്റെ അക്ഷമുണ്ടോ, ആ രാശികളുടെ ദിക്കിൽ നിന്നുള്ള വിവാഹം ശോഭനമാണ്. ശുക്രന്റെ അക്ഷം അധികമുള്ള രാശി ഏറ്റവും ശോഭനമാണ്. ഗ്രഹങ്ങളുടേയും രാശികളുടേയും ദിക്കു നിർണ്ണയിക്കുന്നതിനുള്ള വിധികൾക്കു അല്പാല്പം വ്യത്യാസങ്ങളുണ്ട്. എന്നാൽ യഥാർത്ഥ ദൈവജ്ഞന്റെ (ജ്യോതിഷിയുടെ) ഹൃദയമുകുരത്തിൽ യുക്തിയുക്തമായി അപ്പോൾ തോന്നുന്നത് ഏറ്റവും ശരിയായിത്തന്നെയിരിക്കും.

സ്ത്രീയെ വിവാഹം ചെയ്യാനിടവന്നാൽ ജീവിതം ശോഭനമായിരിക്കും

സ്ത്രീയെ വിവാഹം ചെയ്യാനിടവന്നാൽ ജീവിതം ശോഭനമായിരിക്കും

ചന്ദ്രാഷ്ടവർഗ്ഗേ തൽകക്ഷ്യാപത്യക്ഷാന്വിതരാശിജാ

ലഗ്നേശാശ്രിതഭാംശർക്ഷദ്വയജാ ച ശുഭാ വധൂഃ

സാരം :-

ചന്ദ്രന്റെ അഷ്ടകവർഗ്ഗത്തിങ്കൽ ചന്ദ്രന്റെ കക്ഷ്യാധിപൻ നിൽക്കുന്ന രാശിയിലോ ലഗ്നാധിപൻ നിൽക്കുന്ന രാശിയിലോ നവാംശകരാശിയിലോ ജനിച്ച സ്ത്രീയെ വിവാഹം ചെയ്യാനിടവന്നാൽ ജീവിതം ശോഭനമായിരിക്കും.

ഭാര്യയുടെ ജന്മനക്ഷത്രമായിരിക്കുമെന്നു പറയണം

ഭാര്യയുടെ ജന്മനക്ഷത്രമായിരിക്കുമെന്നു പറയണം

ലഗ്നേശശുക്രയോര്യോഗേ യച്ച ലഗ്നാസ്തനാഥയോഃ

ദ്യൂനർക്ഷേക്ഷകനാഥോഡു യച്ച തത്ര കളത്രഭം.

സാരം :-

1). ലഗ്നാധിപസ്ഫുടവും ശുക്രസ്ഫുടവും തമ്മിൽ ഒരുമിച്ചു കൂട്ടി ആ സ്ഫുടത്തിനു നാളുകണ്ടാൽ ആ നാളിൽ (നക്ഷത്രത്തിൽ) ജനിച്ച സ്ത്രീയെ വിവാഹം ചെയ്യാനിടവരുമെന്നറിയണം. 2). ലഗ്നാധിപസ്ഫുടവും ഏഴാംഭാവാധിപന്റെ സ്ഫുടവും തമ്മിൽ കൂട്ടിയ യോഗസ്ഫുടവും. 3). ഏഴാംഭാവത്തിങ്കലേയ്ക്കു നോക്കിയ ഗ്രഹത്തിന്റെ സ്ഫുടം. 4). ഏഴാംഭാവാധിപന്റെ സ്ഫുടം എന്നീ സ്ഫുടങ്ങൾ നാളുകണ്ടാൽ കിട്ടുന്ന നക്ഷത്രം ഭാര്യയുടെ ജന്മനക്ഷത്രമായിരിക്കുമെന്നു പറയണം.

ഭാര്യയുടെ കൂറായി വന്നാൽ അന്യോന്യം യോജിപ്പു മുതലായവകൊണ്ടു ശോഭനമായിരിക്കും

ഭാര്യയുടെ കൂറായി വന്നാൽ അന്യോന്യം യോജിപ്പു മുതലായവകൊണ്ടു ശോഭനമായിരിക്കും

അസ്തേശാശ്രിതഭം തദംശഭവനം തസ്യോച്ചഭം നീചഭം

ശുക്രാധിഷ്ഠിതഭം തദസ്തഭമിനാംശർക്ഷത്രികോണം വിധോഃ

ഇന്ദോരഷ്ടകവർഗ്ഗകേƒക്ഷബഹുലം വ്യൂഹാഷ്ടവർഗ്ഗേ തഥാ

ഭാര്യാജന്മ ശുഭം സിതാഷ്ടഗണേപ്യസ്യാസ്തനാഥാക്ഷയുക്.

സാരം :-

1). ഏഴാംഭാവാധിപൻ നിൽക്കുന്ന രാശി. 2). ഏഴാം ഭാവാധിപൻ നിൽക്കുന്ന നവാംശരാശി 3). ഏഴാംഭാവാധിപന്റെ ഉച്ചരാശി 4). നീചരാശി 5). ശുക്രൻ നിൽക്കുന്ന രാശി 6). അതിന്റെ ഏഴാമത്തെ രാശി 7). ചന്ദ്രൻ നിൽക്കുന്ന ദ്വാദശാംശകരാശി 8). അതിന്റെ അഞ്ചാംരാശി 9). ഒമ്പതാം രാശി 10). ചന്ദ്രാഷ്ടകവർഗ്ഗത്തിങ്കൽ അക്ഷാധിക്യമുള്ള രാശി 11). സമുദായാഷ്ടക വർഗ്ഗത്തിങ്കൽ അക്ഷാധിക്യമുള്ള രാശി. 12). ശുക്രാഷ്ടകവർഗ്ഗത്തിങ്കൽ ശുക്രാൽ ഏഴാംഭാവാധിപന്റെ അക്ഷമുള്ള രാശി. ഇതുകളിൽ ചന്ദ്രൻ നിൽക്കുന്ന സമയം ഭാര്യയുടെ ജനനം ശുഭമാകുന്നു. മേൽ പറഞ്ഞ പന്ത്രണ്ടിൽ ഒന്നു ഭാര്യയുടെ കൂറായി വന്നാൽ അന്യോന്യം യോജിപ്പു മുതലായവകൊണ്ടു ശോഭനമായിരിക്കും.

Posted by astrology 

വളരെ ഭാര്യമാരോടുകൂടിയിരിക്കുമെന്നു പറയണം

വളരെ ഭാര്യമാരോടുകൂടിയിരിക്കുമെന്നു പറയണം

കേന്ദ്രത്രികോണേ ദാരേശേ സ്വോച്ചമിത്രസ്വവർഗ്ഗഗേ

കർമ്മാധിപേന വാ യുക്തേ ബഹുസ്ത്രീസഹിതോ ഭവേൽ.

സാരം :-

ഏഴാം ഭാവാധിപതി കേന്ദ്രങ്ങളിലോ ത്രികോണത്തിലോ (ലഗ്നം, നാല്, അഞ്ച്, ഏഴ്, ഒമ്പത്, പത്ത് എന്നീ ഭാവങ്ങളിൽ) നിൽക്കണം. പരമോച്ചത്തിലോ ബന്ധു രാശിയിലോ ആയിരിക്കണം. ഷഡ്വവർഗ്ഗങ്ങളിൽ അധികവും ബന്ധുഗ്രഹങ്ങളുടെയും തന്റെയും വർഗ്ഗങ്ങളിൽ വരണം. പത്താംഭാവാധിപതിയോടു ചേർന്നാലും മതി. എന്നാൽ വളരെ ഭാര്യമാരോടുകൂടിയിരിക്കുമെന്നു പറയണം. ഇതിലെ ബഹു എന്ന പദംകൊണ്ടു മൂന്നിലധികമെന്നാണ് ഗ്രഹിക്കേണ്ടത്.

വളരെ ഭാര്യമാരുണ്ടായിരിക്കുമെന്നു പറയണം

വളരെ ഭാര്യമാരുണ്ടായിരിക്കുമെന്നു പറയണം

ദാരലാഭേശ്വരൗ ചേതി പരസ്പരനിരീക്ഷിതൗ

ബലാഢ്യൗ വാ ത്രികോണസ്ഥൗ ബഹുദാരസമന്വിതഃ - ഇതി.

സാരം :-

ഏഴാം ഭാവാധിപതിയും പതിനൊന്നാം ഭാവാധിപതിയും ബലവാന്മാരായി അഞ്ചാം ഭാവത്തിലോ ഒമ്പതാം ഭാവത്തിലോ നില്ക്കണം. അന്യോന്യം നോക്കുകയും വേണം. ഇങ്ങനെ വന്നാലും വളരെ ഭാര്യമാരുണ്ടായിരിക്കുമെന്നു പറയണം.

മൂന്നുവിവാഹം ചെയ്യേണ്ടിവരുമെന്നു പറയണം

മൂന്നുവിവാഹം ചെയ്യേണ്ടിവരുമെന്നു പറയണം

വിത്തേ പാപബഹുത്വേ തു കളത്രേ വാ തഥാവിധേ

തദീശേ പാപദൃഷ്ടേ തു കളത്രത്രയമാദിശേൽ.

സാരം :-

രണ്ടാം ഭാവത്തിലോ ഏഴാം ഭാവത്തിലോ രണ്ടിലധികം പാപഗ്രഹങ്ങൾ നില്ക്കുകയും പാപഗ്രഹങ്ങൾ നിൽക്കുന്ന മേൽപറഞ്ഞ ഭാവത്തിന്റെ അധിപന് പാപഗ്രഹദൃഷ്ടിയുണ്ടാവുകയും ചെയ്‌താൽ മൂന്നുവിവാഹം ചെയ്യേണ്ടിവരുമെന്നു പറയണം.

പുനർവിവാഹലക്ഷണമുണ്ടെന്നു പറയണം

പുനർവിവാഹലക്ഷണമുണ്ടെന്നു പറയണം

സപ്തമേ വാഷ്ടമേ പാപേ വ്യയേ ഭൂസൂനുസംയുതേ

അദൃശ്യേ യദി നാഥേന കളത്രാന്തരഭാഗ്ഭവേൽ.

സാരം :-

ഏഴാം ഭാവത്തിലോ എട്ടാം ഭാവത്തിലോ പാപഗ്രഹം നിൽക്കുകയും പന്ത്രണ്ടാം ഭാവത്തിൽ ചൊവ്വയും നിൽക്കുകയും ഏഴാം ഭാവത്തിലേയ്ക്ക് ഏഴാംഭാവാധിപന്റെ ദൃഷ്ടിയില്ലാതെയിരിക്കയും ചെയ്‌താൽ പുനർവിവാഹലക്ഷണമുണ്ടെന്നു പറയണം.

Posted by astrology 

പുനർവിവാഹലക്ഷണമുണ്ടെന്നു പറയണം

പുനർവിവാഹലക്ഷണമുണ്ടെന്നു പറയണം

ദാരേശസ്ഥനവാംശേശേ മൂഢനീചാരിഭാംശഗേ

പാപാന്തരേ പാപദൃഷ്‌ടേ കളത്രാന്തരഭാഗ്ഭവേൽ.

സാരം :-

ഏഴാം ഭാവാധിപൻ നിൽക്കുന്ന നവാംശകത്തിന്റെ അധിപൻ നീചത്തിലോ നീചനവാംശകത്തിലോ ശത്രുക്ഷേത്രത്തിലോ ശത്രുക്ഷേത്ര നവാംശകത്തിലോ മൗഢ്യ൦ പ്രാപിച്ചു നിൽക്കുകയോ പാപമധ്യത്തിങ്കൽ പാപദൃഷ്ടിയോടുകൂടി നില്ക്കുകയോ ചെയ്‌താൽ പുനർവിവാഹലക്ഷണമുണ്ടെന്നു പറയണം.

പുനർവിവാഹലക്ഷണമാകുന്നു

പുനർവിവാഹലക്ഷണമാകുന്നു

വക്രവർഗ്ഗോത്തമസ്വർക്ഷത്ര്യംശതുംഗനവാംശഗേ

ശുക്രാസ്തേശൗ ബലിന്യസ്തേ പുനരുദ്വാഹകാരകൗ.

സാരം :-

ഏഴാം ഭാവം ബലമുള്ളതായും ഏഴാംഭാവാധിപനും ശുക്രനും ഉച്ചത്തിലോ സ്വക്ഷേത്രത്തിലോ സ്വദ്രേക്കാണത്തിങ്കലോ വർഗ്ഗോത്തമനവാംശകത്തിലോ ഉച്ചനവാംശകത്തിലോ വക്രംപ്രാപിച്ചോ നിൽക്കുന്നുവെങ്കിൽ പുനർവിവാഹലക്ഷണമാകുന്നു. ഉച്ചം മുതലായ ബലങ്ങൾ എല്ലാംതന്നെ വേണമെന്നില്ല.

പുനർവിവാഹം സംഭവിക്കും

പുനർവിവാഹം സംഭവിക്കും

കളത്രേ വാ കുടുംബേ വാ പാപദൃഗ്യോഗസംഭവേ

തദീശേ ബലഹീനേ തു കളത്രാന്തരമാദിശേൽ.

സാരം :-

രണ്ടാം ഭാവത്തിൽ പാപഗ്രഹയോഗദൃഷ്ടികളും രണ്ടാംഭാവാധിപതിക്കു ബലഹാനിയും ഉണ്ടായാൽ പുനർവിവാഹത്തിനിടവരും. അതുപോലെ ഏഴാം ഭാവത്തിനു പാപഗ്രഹങ്ങളുടെ യോഗദൃഷ്ടിവരികയും ഏഴാംഭാവാധിപതിക്കു ബലമില്ലാതിരിക്കുകയും ചെയ്താലും പുനർവിവാഹം സംഭവിക്കും.

രണ്ടു വിവാഹങ്ങൾക്കു ലക്ഷണമുണ്ട് / ഒന്നിലധികം വിവാഹംചെയ്യാനിടവന്നാലും ഒരു ഭാര്യയോടുകൂടി മാത്രമേ ജീവിക്കാൻ സാധിക്കുകയുള്ളൂ

രണ്ടു വിവാഹങ്ങൾക്കു ലക്ഷണമുണ്ട് / ഒന്നിലധികം വിവാഹംചെയ്യാനിടവന്നാലും ഒരു ഭാര്യയോടുകൂടി മാത്രമേ ജീവിക്കാൻ സാധിക്കുകയുള്ളൂ

പ്രാഗ്ലഗ്നേ ദ്വന്ദ്വരാശൗ ശശിനി ച മദപേ ദ്വന്ദ്വഭേ വാ തദംശേ

ലാഭേ ഖേടദ്വയാഢ്യേ സതി ച മദനഭേ ക്ലീബഖേടാന്വിതേ ച

ഉദ്വാഹൗ ദ്വൗ ഭവേതാമഥ മദനഗതേ ഭൗമഭാസ്വന്നവാംശേ

തൗ വാ യദ്യസ്തസംസ്ഥൗ ഭവതി ഖലു നൃണാം വല്ലഭൈകൈവ നൂനം.

സാരം :-

ഉദയംലഗ്നം ഉഭയരാശിയായി ഏഴാംഭാവാധിപനും ചന്ദ്രനും ഉഭയരാശിയിലോ ഉഭയനവാംശകത്തിലോ നില്ക്കുകയോ ചെയ്യുക ഇങ്ങനെ വന്നാലും, പതിനൊന്നാം ഭാവത്തിങ്കൽ രണ്ടു ഗ്രഹങ്ങളുണ്ടായിരിക്കുകയോ, ഏഴാംഭാവത്തിങ്കൽ ബുധശനികൾ നില്ക്കുകയോ ചെയ്‌താൽ രണ്ടു വിവാഹങ്ങൾക്കു ലക്ഷണമുണ്ട്.

ഏഴാം ഭാവരാശിയിൽ സൂര്യകുജന്മാരുടെ നവാംശകങ്ങളോ സൂര്യകുജന്മാരോ നിൽക്കുന്നുണ്ടെങ്കിൽ  ഒന്നിലധികം വിവാഹംചെയ്യാനിടവന്നാലും ഒരു ഭാര്യയോടുകൂടി മാത്രമേ ജീവിക്കാൻ സാധിക്കുകയുള്ളൂ.

മൂന്നു വിവാഹത്തിന് ഇടവരും / രണ്ടുവിവാഹത്തിനു ഇടവരും / ഒരു വിവാഹത്തിനും ഇടവരുമെന്നു പറയണം

മൂന്നു വിവാഹത്തിന് ഇടവരും / രണ്ടുവിവാഹത്തിനു ഇടവരും / ഒരു വിവാഹത്തിനും ഇടവരുമെന്നു പറയണം

ലഗ്നേന്ദ്വോസ്സപ്തമേശൗ ഭൃഗുരപി ബലിനോ ഗോചരസ്ഥസ്ത്രയശ്ചേ-

ദുദ്വാഹാനാം ത്രയം സ്യാദ്ദ്വയമുദിതമുഭൗ ചൈകമേകസ്തഥാ ചേൽ

അസ്തേശേ ഭാർഗവേ വാ ഗതവതി പരമം തുംഗമസ്തസ്ഥിതാ വാ

നൈകാഃ ഖേടാ യദി സ്യുസ്ത്രയ ഇഹ ബഹവോ ദ്യൂനപാംശൈസ്സമം.

സാരം :-

ലഗ്നത്തിന്റേയും ചന്ദ്രന്റേയും ഏഴാംഭാവാധിപന്മാർ, ശുക്രൻ ഈ മൂന്നു ഗ്രഹങ്ങളും ബലവാന്മാരായി ഇഷ്ടഭാവങ്ങളിൽ നിന്നാൽ മൂന്നു വിവാഹത്തിന് ഇടവരും. ഇവരിൽ രണ്ടുപേർ മേൽപ്രകാരം നിന്നാൽ രണ്ടുവിവാഹത്തിനു ഒരാൾ മേൽപ്രകാരം നിന്നാൽ ഒരു വിവാഹത്തിനും ഇടവരുമെന്നു പറയണം.

ഏഴാം ഭാവാധിപതിയോ ശുക്രനോ അത്യുച്ചത്തിൽ വരികയോ ഏഴാം ഭാവത്തിൽ രണ്ടു ഗ്രഹങ്ങളിൽ അധികം വരികയോ ചെയ്‌താൽ മൂന്നോ പക്ഷെ അതിലധികമോ വിവാഹത്തിനിടവരും. ഏഴാം ഭാവാധിപൻ നിൽക്കുന്ന രാശിയിൽ എത്ര നവാംശകം പൂർത്തിയായിട്ടുണ്ടോ അത്രയും വിവാഹത്തിനിടവരുമെന്നും പറയാം. 

ഏഴാം ഭാവത്തിൽ രണ്ടു ഗ്രഹങ്ങൾ നിന്നാൽ രണ്ടു വിവാഹം ചെയ്യാൻ ഇടവരുമെന്നു ശാസ്ത്രങ്ങളിൽ കാണുന്നുണ്ട്.

നികൃഷ്ടതയുള്ള കുടുംബത്തിൽനിന്നു ഭാര്യാലാഭം ഭവിക്കുമെന്നു പറയണം ലഗ്നേശ്വരാദ്ധീനബലേ കളത്ര-

നികൃഷ്ടതയുള്ള കുടുംബത്തിൽനിന്നു ഭാര്യാലാഭം ഭവിക്കുമെന്നു പറയണം

ലഗ്നേശ്വരാദ്ധീനബലേ കളത്ര-

നാഥേƒരിരാശ്യംശഗതേ വിമൂഢേ

നീചാംശഭേ പാപസമന്വിതേ വാ നികൃഷ്ട-

ജാതൗ ഹി കളത്രലാഭഃ - ഇതി.

സാരം :-

ഏഴാം ഭാവാധിപൻ ലഗ്നാധിപനേക്കാൾ ബലംകുറഞ്ഞു ശത്രുക്ഷേത്രത്തിൽ ശത്രുനവാംശകത്തിങ്കൽ മൌഢ്യ൦ പ്രാപിച്ചു നില്ക്കുകയോ ലഗ്നാധിപനേക്കാൾ ബലംകുറഞ്ഞ നീചരാശിയിലോ നീചനവാംശകത്തിങ്കലോ പാപഗ്രഹത്തോടുകൂടി നില്ക്കുകയും ചെയ്‌താൽ തന്നെക്കാൾ നികൃഷ്ടതയുള്ള കുടുംബത്തിൽനിന്നു ഭാര്യാലാഭം ഭവിക്കുമെന്നു പറയണം.

ഈ ശ്ലോകത്തിൽ പറഞ്ഞ നികൃഷ്ടതയും പൂർവശ്ലോകത്തിൽ പറഞ്ഞ ഉൽകൃഷ്ടതയും നിഷിദ്ധസ്ത്രീത്വത്തെ സാധിപ്പിക്കുന്നതല്ല. മര്യാദപ്രകാരം വിവാഹം ചെയ്യാവുന്ന സ്ത്രീ തന്നെയായിരിക്കുമെന്ന് അറിയണം. ധനസ്ഥിതി, കുലീനത, ഇവ കൊണ്ടുള്ള ഭേദം അല്ലാതെ ഭാര്യയ്ക്കു ദൂഷണങ്ങൾ ഒന്നും പറയാൻ പാടില്ല.

ഭാര്യയും ഭാര്യാകുടുംബക്കാരും പുരുഷനോടു സ്നേഹമുള്ളവരായിരിക്കും / ഭാര്യയും ഭാര്യാകുടുംബക്കാരും പുരുഷന് ശത്രുക്കളായേ ഇരിക്കുകയുള്ളൂ

ഭാര്യയും ഭാര്യാകുടുംബക്കാരും പുരുഷനോടു സ്നേഹമുള്ളവരായിരിക്കും / ഭാര്യയും ഭാര്യാകുടുംബക്കാരും പുരുഷന് ശത്രുക്കളായേ ഇരിക്കുകയുള്ളൂ

ലഗ്നാധിപസ്യ സുഹൃദത്ര കളത്രപശ്ചേൽ

ഭാര്യാ ച തൽകുലഭവാ അപി മിത്രഭൂതാഃ

തദ്വദ്രിപുര്യദി വിലഗ്നപതേർമദേശോ

ഭാര്യാ ച തൽകുലഭവാ അപി വൈരിണഃ സ്യുഃ

സാരം :-

ഏഴാം ഭാവാധിപതി ലഗ്നാധിപതിയുടെ ബന്ധുവായാൽ ഭാര്യയും ഭാര്യാകുടുംബക്കാരും പുരുഷനോടു സ്നേഹമുള്ളവരായിരിക്കും.

ഏഴാം ഭാവാധിപതി ലഗ്നാധിപതിയുടെ ശത്രുവായാൽ ഭാര്യയും ഭാര്യാകുടുംബക്കാരും പുരുഷന് ശത്രുക്കളായേ ഇരിക്കുകയുള്ളൂ. അന്യോന്യം ചേർച്ച കുറവായിരിക്കുമെന്നു പറയണം.

ഉൽകൃഷ്ടതയുള്ള കുടുംബത്തിൽ നിന്നു വിവാഹം ചെയ്യാനിടവരുമെന്നു പറയണം

ഉൽകൃഷ്ടതയുള്ള കുടുംബത്തിൽ നിന്നു വിവാഹം ചെയ്യാനിടവരുമെന്നു പറയണം

ലഗ്നേശ്വരാൽ പൂർണ്ണബലേ കളത്ര-

നാഥേ ശുഭാംശേ ശുഭദൃഷ്ടിയുക്തേ

വൈശേഷികാംശേ പരമോച്ചഭാഗേ

ചോൽകൃഷ്ടജാതൗ ഹി കളത്രലാഭഃ

സാരം :-

ഏഴാം ഭാവാധിപൻ ലഗ്നാധിപനേക്കാൾ അധികബലവാനായി ശുഭഗ്രഹദൃഷ്ടിയോടുകൂടി ശുഭനവാംശകത്തിങ്കൽ വൈശേഷികാംശത്തിങ്കലോ അത്യുച്ചത്തിങ്കലോ നില്ക്കുന്നുവെങ്കിൽ തന്നെക്കാൾ ഉൽകൃഷ്ടതയുള്ള കുടുംബത്തിൽ നിന്നു വിവാഹം ചെയ്യാനിടവരുമെന്നു പറയണം.

കാമുകനായിരിക്കും / സ്വഭാര്യയിൽ വളരെ ആസക്തിയുള്ളവനായിരിക്കും / വളരെ അധികം സ്ത്രീകളിൽ ആസക്തനായിത്തീരും / നീചസ്ത്രീകളിൽ താല്പര്യമുണ്ടായിരിക്കും / അന്യന്മാരുടെ ഭാര്യമാരിൽ ആസക്തനായിരിക്കും

കാമുകനായിരിക്കും / സ്വഭാര്യയിൽ വളരെ ആസക്തിയുള്ളവനായിരിക്കും / വളരെ അധികം സ്ത്രീകളിൽ ആസക്തനായിത്തീരും / നീചസ്ത്രീകളിൽ താല്പര്യമുണ്ടായിരിക്കും / അന്യന്മാരുടെ ഭാര്യമാരിൽ ആസക്തനായിരിക്കും

ശുക്രേ കളത്രേ സതി കാമുകഃ സ്യാൽ

സ്വദാരസക്തോƒന്യശുഭഗ്രഹേഷു

ബഹ്വീഷു നാരീഷു കുജേർക്കപുത്രേ

കുസ്ത്രീഷു സക്തോƒന്യകളത്രകേƒർക്കേ.

സാരം :-

പുരുഷജാതകാൽ ഏഴാം ഭാവത്തിൽ ശുക്രൻ നിന്നാൽ കാമുകനായിരിക്കും. ബുധനോ വ്യാഴമോ ബലവാനായ ചന്ദ്രനോ ഏഴാം ഭാവത്തിൽ നിന്നാൽ സ്വഭാര്യയിൽ വളരെ ആസക്തിയുള്ളവനായിരിക്കും. ഏഴാം ഭാവത്തിൽ ചൊവ്വ നിന്നാൽ വളരെ അധികം സ്ത്രീകളിൽ ആസക്തനായിത്തീരും. ശനി ഏഴാം ഭാവത്തിൽ നിന്നാൽ നീചസ്ത്രീകളിൽ താല്പര്യമുണ്ടായിരിക്കും. സൂര്യൻ ഏഴാം ഭാവത്തിൽ നിന്നാൽ അന്യന്മാരുടെ ഭാര്യമാരിൽ ആസക്തനായിരിക്കും.