ഭാര്യ പാമ്പുകടിച്ചു മരിക്കുമെന്നു പറയണം

ഭാര്യ പാമ്പുകടിച്ചു മരിക്കുമെന്നു പറയണം

ശുക്രേ മാന്ദിസമായുക്തേ തസ്മാൽ കേന്ദ്രത്രികോണഗേ

രാഹൌ ച മരണം ബ്രൂയാൽ ഭാർയ്യായാസ്സർപ്പദംശനാൽ.

സാരം :-

ശുക്രനോടുകൂടി ഗുളികൻ നിൽക്കണം. ശുക്രന്റെ കേന്ദ്രങ്ങളിലോ ത്രികോണങ്ങളിലോ രാഹുവും നിൽക്കണം. ഇങ്ങനെ വന്നാൽ അയാളുടെ ഭാര്യ പാമ്പുകടിച്ചു മരിക്കുമെന്നു പറയണം.

ഭാര്യ തീയിൽവീണു മരിയ്ക്കാനിടവരുമെന്നു പറയണം

ഭാര്യ തീയിൽവീണു മരിയ്ക്കാനിടവരുമെന്നു പറയണം

ഭൌമാർക്കഗൃഹഗേ ശുക്രേ തദ്ദൃഷ്‌ടേ വാഥ തദ്യുതേ

വഹ്നിഭൂതാശ്രിതേ ചാത്ര മ്രിയേതാഗ്നൌ വധൂ നൃണാം.

സാരം :-

ശുക്രന്റെ സ്ഥിതി സൂര്യന്റെയോ ചൊവ്വയുടേയോ ക്ഷേത്രത്തിലോ സൂര്യന്റേയോ ചൊവ്വയുടെയോ യോഗത്തോടോ ദൃഷ്ടിയോടോ കൂടി അഗ്നിഭൂതത്തിൽ നിൽക്കണം. ഇങ്ങനെ വന്നാൽ അയാളുടെ ഭാര്യ തീയിൽവീണു മരിയ്ക്കാനിടവരുമെന്നു പറയണം.

ഭാര്യാനാശം അനുഭവിക്കാനിടവരും

ഭാര്യാനാശം അനുഭവിക്കാനിടവരും

ശുക്രാഷ്ടവർഗ്ഗേ തദ്യൂനേ പാപാക്ഷബഹുലേ സതി

ത്രികോണാശ്രിതമാന്ദൌ ച ഭാര്യാനാശോ ഭവേദ്നൃണാം.

സാരം :-

പുരുഷജാതകത്തിൽ ശുക്രന്റെ അഷ്ടവർഗ്ഗം ഇട്ടാൽ ശുക്രന്റെ ഏഴാം ഭാവത്തിൽ പാപഗ്രഹങ്ങളുടെ അക്ഷങ്ങൾ അധികം വരികയും ഗുളികൻ ശുക്രന്റെ മൂന്നാം ഭാവത്തിലോ പതിനൊന്നാം ഭാവത്തിലോ നില്ക്കുകയും ചെയ്‌താൽ ഭാര്യാനാശം അനുഭവിക്കാനിടവരും.

ഭാര്യ നികൃഷ്ടയായിരിക്കുമെന്നു പറയണം

ഭാര്യ നികൃഷ്ടയായിരിക്കുമെന്നു പറയണം

മന്ദാലയേ മന്ദനവാംശകേ വാ

തേനാന്വിതോ വാ ഭൃഗുരീക്ഷിതോ വാ

നീചാംശകേ നീചഗൃഹേ അഥവാ സ്യാ-

ദൃസ്യായമിച്ഛേദ്വനിതാം നികൃഷ്ടാം.

സാരം :-

ശുക്രൻ നീചരാശിയിൽ നിൽക്കുകയോ അംശകിക്കുകയോ, ശനിക്ഷേത്രത്തിൽ നിൽക്കുകയോ അംശകിക്കുകയോ, ഇല്ലെങ്കിൽ ശനിയുടെ യോഗത്തോടോ ദൃഷ്ടിയോടോകൂടി നിൽക്കണം. ഇങ്ങനെ വന്നാൽ നീചയായ സ്ത്രീയെ ഭാര്യയാക്കുവാൻ താൽപര്യമുള്ളവനായിരിക്കും. ഭാര്യ നികൃഷ്ടയായിരിക്കുമെന്നു പറയണം.