പക്ഷിപൊരുത്തം

പക്ഷിപൊരുത്തം

ഭാരണ്ഡകഃ പിംഗലകാകതാമ്ര-

ചൂഡാഃ ശിഖണ്ഡീതി ഖഗാഃ ക്രമേണ

ബാണാംഗതർക്കേഷ്വിഷുസംഖ്യഭാനാം

ശ്രേഷ്ഠം ദ്വയോരേകവിഹംഗമത്വം. - ഇതി.

സാരം :-

അശ്വതി ഭരണി കാർത്തിക രോഹിണി മകയിരം എന്നീ അഞ്ചു നക്ഷത്രങ്ങളും പെരുമ്പുള്ള്.

തിരുവാതിര പുണർതം പൂയം ആയില്യം മകം പൂരം എന്നീ ആറു നക്ഷത്രങ്ങൾ ചെമ്പോത്ത്

ഉത്രം അത്തം ചിത്തിര ചോതി വിശാഖം അനിഴം എന്നീ ആറു നക്ഷത്രങ്ങൾ കാക്ക

തൃക്കേട്ട, മൂലം, പൂരാടം, ഉത്രാടം, തിരുവോണം എന്നീ അഞ്ച് നക്ഷത്രങ്ങൾ കോഴി

അവിട്ടം, ചതയം, പൂരോരുട്ടാതി, ഉത്രട്ടാതി, രേവതി എന്നീ അഞ്ചു നക്ഷത്രങ്ങൾ മയിൽ.

സ്ത്രീപുരുഷന്മാർ ഇരുവരുടെയും നക്ഷത്രങ്ങൾ ഒരു പക്ഷിയിൽ പെട്ടതാണെങ്കിൽ ഉത്തമമാണ്. അന്യോന്യം ശത്രുക്കളായ രണ്ടു പക്ഷികളുടെ നക്ഷത്രങ്ങളായാൽ അധമവും ബന്ധുക്കളായ പക്ഷികളുടെ നക്ഷത്രങ്ങളായാൽ മദ്ധ്യമവും ആണെന്നു പ്രത്യേകം ഗ്രഹിച്ചുകൊള്ളേണ്ടതാണ്.